تحصیل ہیڈکوارٹرہسپتال سینٹری ورکرزکا تنخواہوں کی عدم ادائیگی پراحتجاج

تحصیل ہیڈکوارٹر ہسپتال دیپالپور کے سینٹری ورکرزآج سراپا احتجاج ہیں یہ وہ لوگ ہیں جن کی اہمیت کا اندازہ اس وقت زیادہ بہتر طور پر اس وقت ہوتا ہے جب کوئی بڑا افسر یا وزیریہاں پروزٹ کیلئے آتا ہے تو یہ سینٹری ورکرز ہی ہوتے ہیں جن کی وجہ سے ہسپتال چمکتا دمکتا نظر آتا ہےاوریہ سینٹری ورکرز ہی ہوتے ہیں جو ہسپتال کے تمام کمروں ،وارڈزاور واش رومز تک کی صفائی کرتے ہیں مگر ان کا کہنا ہے کہ اس تمام تر خدمت کے باوجود ان کو تنخواہیں بروقت نہیں ملتیں اور ان کی عزت نفس کو مجروح کیا جاتا ہے.ان کو تنخواہیں کیوں وقت پر نہیں مل رہیں اور اس کے علاوہ ان کو کن مسائل کا سامنا ہے جب اوکاڑہ ڈائری کے نمائندے نے ان سے پوچھا تو ان کا کہنا تھا کہ اب صفائی ستھرائی کے اہتمام کے معاملہ کو پرائیویٹ کردیا گیا ہے جبکہ وہ پرائیویٹ کمپنی ہمارے ساتھ اچھا سلوک نہیں کرتی اور ہمیں تنخواہیں بھی لیٹ دی جاتی ہیں اور اب بھی ہم دو ماہ تنخواہیں لیٹ ہونے کی وجہ سے احتجاج پر مجبور ہوئے ہیں.ان کا یہ بھی کہنا ہے کہ اس سے قبل بھی انہیں جو تنخواہ دی جاتی ہے وہ بھی پوری نہیں ہوتی اس کے علاوہ ان کی عزت نفس کا بھی بالکل خیال نہیں کیاجاتا ہے انہوں نے حکام بالا سے فوری نوٹس لینے کا مطالبہ کیا ہے۔