Haveli city allience on labour day 695

حویلی سٹی الائنس کی جانب سے یکم مئی کو مزدوروں کیلئے مٹھائی اورکھانے کا اہتمام

یکم مئی کو پوری دنیا میں عالمی یوم مزدوراں منایا جاتا ہے اور اس میں شکاگو کے مزدوروں کو سرخ سلام پیش کرنے کیساتھ ساتھ ان کے حقوق کیلئے مطالبات کی آوازیں بھی اٹھائی جاتی ہیں تاہم اس بار حویلی لکھا میں نوجوانوں کی قائم کردہ حویلی سٹی الائنس نامی تنظیم نے منفرد کام کرتے ہوئے مزدوروں کیلئے خصوصی طورپر کھانے اور مٹھائی کا اہتمام کیا اس موقع پر کئی بھٹہ خشت اوردیگرمزدوروں نے خوشی کا اظہار کرتے ہوئے کہا کہ ہم حویلی سٹی الائنس کے مشکور ہیں کہ انہوں نے ہمیں اس قدر اپنائیت اور محبت دی ورنہ ہم توروزی روٹی کے حصول میں اس قدر گم رہتے ہیں کہ ہمیں تو یہ پتا ہی نہیں چلتا کہ ہمارا بھی کوئی دن منایا جاتا ہے .مزدوروں نے حکومت سے شکوہ کیا کہ جس طرح کی کاوش حویلی سٹی الائنس نے کی ہے اگر حکومت ہمارے لئے مناسب قانون سازی کرتے ہوئےمناسب تنخواہوں ورہائش اورہمارے بچوں کیلئے مفت تعلیم اورعلاج معالجے کا انتظام کرے تو ہمیں کم از کم اپنے ہونے کا احساس ہو لیکن ہوتا یہ ہے کہ ہمارے نام پر یہ بڑے بڑے لوگ لیبرڈے منارہے ہیں اور ہم آج بھی کام پر ہیں.
labour day in haveli depalpur

اس خبر پر اپنی رائے کا اظہار کریں

اپنا تبصرہ بھیجیں