اگر آپ دیپالپور کے رہائشی ہیں تو آپ اس لوکیشن کو با آسانی سمجھ جائیں گے کہ قصورروڈ پرسڑک کے بالکل درمیان میں سیمنٹ سے بنی ایک دیوار سی بنائی گئی ہے جو کہ بہت فائدہ مند ہے کیوں کہ اس طرح ٹریفک ون وے رہتی ہے اور حادثات سے کافی بچت ہوجاتی ہے لیکن اگرآپ نے غور کیا ہوتو مدینہ چوک سے چند فٹ کے فاصلے پر اور رزاقیہ مسجد والی گلی کے عین سامنے یہ سیمنٹ کی دیوار تقریباََ نہ ہونے کے برابر ہے جس کی وجہ سے لوگ با آسانی یہاں سے گزرتے رہتے ہیں اور کبھی کبھار تو ایسا بھی ہوجاتا ہے کہ ہماری ذہین عوام اس کا فائدہ اٹھاتے ہوئے موٹرسائیکل اٹھا کر بھی پار کرلیتی ہے جس سے یقیناََ سامنے سے آنیوالا اچانک کنفیوز ہوسکتا ہے اور نتیجے میں کوئی حادثہ بھی رونما ہوسکتا ہے ۔ تو میری التماس ہے کہ اس جانب انتظامیہ ضرور توجہ دے اور اس چھوٹی دیوار کو بھی بڑا کرے تاکہ مستقبل میں یہاں کوئی ناخوشگوار واقعہ پیش نہ آسکے ۔
دوسرا مسئلہ بھی اسی سے ہی ملتا جلتا ہے اگر ہم اسی سڑک پر چند قدم آگے جائیں تو لاءف کیئر فارمیسی کے بالکل سامنے سڑک کے درمیان کٹ کا حجم بہت زیادہ ہے جس کی وجہ سے اکثر موٹرسائیکل سوار اس کٹ سے موٹرسائیکل گزارلیتے ہیں جو کہ بہت خطرناک پریکٹس ہے اور ہم آپ کو بتاتے چلیں کہ اسی کٹ کی وجہ سے چندروز پہلے ایک حادثہ رونما ہوبھی چکا ہے جس کا زخمی افضال نامی نوجوان لاہور میں زیرعلاج ہے ۔
https://www.youtube.com/watch?v=-czJgh52dcI
