سبزی فروش چار سو روپے کی شرط پر زندگی ہار گیا

انسانی جان کی قیمت صرف چارسو روپے جی ہاں پچپن سالہ منظور احمدنے صرف چار سو روپے کی خاطر اپنی زندگی گنوا دی ۔ہوا کچھ یوں کہ منظور احمد نے دوسرے سبزی فروش کیساتھ شرط لگائی کہ اگر وہ یہ نہر پار کر لے تو وہ چار سو روپے مالیت کی ٹماٹر کی ٹوکری جیت جائے گا ۔اسے اپنی جیت کا اتنا یقین تھا کہ کہ چھلانگ لگانے سے قبل بھی ایک وڈیو میں اس نے کہا کہ اگر اس دوران وہ ڈوب جائے تو اس کا ذمہ دار خود ہوگا ۔

ابتدا میں اگرچہ ایسا لگا کہ وہ باآسانی نہر پار کر جائے گالیکن قدرت کو کچھ اور ہی منظور تھا اور منظور نہر کے کنارے کے قریب پہنچ کر ڈوب گیا ۔ریسکیو ٹیم اس کی نعش کو تلاش کرنے کیلئے آپریشن کر رہی ہے۔

نہرپار کرنے کی فوٹیج اس وڈیو میں دیکھ سکتے ہیں۔