عام طور پر یہ ہوتا ہے کہ جب کسی محکمے کا صوبائی یا وفاقی وزیر کسی علاقے کا دورہ کرتا ہے تو اس محکمے سے متعلق شکایات دور کرنے کی کوشش کرتا ہےلیکن گزشتہ دنوں شیخ رشید کا دورہ عوام کیلئے وبال جان بن گیا ہے وہ اس طرح کہ اوکاڑہ شہر سے ملانے والے ایک اور ریلوے پهاٹک پر تالا لگا کرشہریوں کے لیئے بند کر دیا گیااور اس کی وجہ ریلوے کی جانب سے میونسپل کمیٹی اوکاڑہ کو واجبات کی عدم ادائیگی بتائی گئی ہے.ریلوے پھاٹک بند کرکے فلیکسسز آویزاں کر دی گئیں جن پرواضح لکھا ہے کہ ریلوے کی جانب سے واجبات کی عدم ادائیگی کی وجہ سے پھاٹک کو بند کردیا گیا ہے.یادرہے کہ چند روز وفاقی وزیرریلوے شیخ رشید احمد نے اوکاڑہ ریلوے سٹیشن کا دورہ بھی کیا تھا مگر انہوں نے ریلوے کے مسائل کو حل کرنے کی بجائے عمران خان کی وکالت اوربلاول بھٹو زرداری پرہی اپنا فوکس رکھا.جس کا نتیجہ یہ نکلا کہ ان کے جانے کے بعد ادائیگی کی امید نہ ہونے پر ڈویژنل ٹرانسپورٹیشن آفیسر نے تنگ آکر پھاٹک بند کرنے کے احکامات جاری کرکے ریلوے حکام کو بقایا جات کلیئر کرنے کا کہہ دیا ہے.میونسپل کمیٹی کے اس اقدام اور ریلوے کی ڈھٹائی کا خمیازہ عوام کو بھگتنا پڑرہاہے.
699
