معروف فلاحی تنظیم حویلی سٹی الائنس نے خدمت خلق کی ایک نئی مثال قائم کردی
خدمت کے نام پر تنظیمیں تو وجود میں بہت آتی ہیں لیکن خدمت کے جذبے سے سرشار ہر جماعت نہیں ہوتی.البتہ حویلی سٹی الائنس کی جانب سے اپنے شہر اور شہریوں کیلئے آئے روز اچھی مثالیں دیکھنے کو ملتی رہتی ہیں.سبزی منڈی حویلی شہر کا نہایت مصروف کاروباری ایریا ہےمگر افسوس کہ حویلی بلدیہ کی روایتی نااہلیوں کی وجہ سے یہاں صفائی کا مسئلہ انتہائی تشویشناک صورت حال اختیار کر چکا تھا ۔اس مسئلے کے حل کیلئے پہلے تو تنظیم کی جانب سے متعدد بار آواز اٹھائی گئی لیکن انتظامیہ کے کانوں پر جوں تک نہیں رینگی.
جس پر آج حویلی سٹی الائنس کے پرعزم نوجوانوں نے بالا آخر کمر باندھی سرپرست اعلی حویلی سٹی الائنس جناب رمضان خان نے وہیکلز کی فراہمی کو یقینی بنایا اور سب دوستوں نے اپنی مدد آپ کے تحت صفائی کا فریضہ سر انجام دیا اور نہ صرف صفائی کی بلکہ کوڑا کرکٹ کی جگہ پر شجر کاری بھی کر دی کہ شاید اس طرح اِس خطے اور یہاں کے لوگوں نے ایک لمبے عرصہ تک جو بدبو جھیلی ہے اس کا ازالہ ہو سکے.حویلی سٹی الائنس کے عہدیداروں نے اوکاڑہ ڈائری سے گفتگو کرتے ہوئے کہا کہ انشاء اللہ حویلی سٹی الائنس کی پوری ٹیم اور سرپرست اعلیٰ جناب رمضان خان صاحب کی ہدایت پر شہر میں صفائی کے معاملات کو حل کرنے کیلئے کوشاں رہے گی.
