پاکپتن، تین افراد کو قتل کرنیوالا ملزم ایک ہفتے کے اندر پکڑا گیا

رپورٹ:اوکاڑہ ڈائری

گیارہ جون کو پاکپتن میں تھانہ چک بیدی کے علاقہ شام کوٹ میں ظہیر بلوچ نامی ملزم نے گھریلو رنجش کی بنا پر پستول سے فائرنگ کر کے اپنی 30 سالہ بیوی آمنہ 22 سالہ سالے ثاقب اور 55 سالہ سسر غلام فرید کو قتل کر دیا اور موقع سے فرار ہو گیا۔تہرے قتل کی اس خوفناک واردات کی اطلاع ملتے ہی ڈی پی او پاکپتن طارق ولائت بھی موقع پر پہنچے اور انہوں نے کرائم سین یونٹ اور فرانزک لیب کی ٹیموں کو خصوصی ہدائت کی کہ جلد از جلد قاتل کو گرفتار کیا جائے ۔انہوں نے ایس ڈی پی اوصدر سرکل اور ایس ایچ اوتھانہ چک بیدی عاشق مہارکی سربراہی میں ٹیم تشکیل دی ۔ ڈی پی او پاکپتن نے لواحقین کیساتھ اظہار تعزیت بھی کیا تھا اور ملزم کی جلد گرفتاری کا یقین دلا یاتھا ۔

اور آخر کارڈی پی او طارق ولائت کی خصوصی ہدایات پریس ڈی پی او صدر سرکل طارق اعوان اور ایس ایچ او چکبیدی عاشق عابد مہار کی سربراہی میں تشکیل دی گئی ٹیم تشکیل نے سی آئی اے سٹاف کیساتھ مل کر شب و روز محنت کے بعد اور جدید ٹیکنالوجی کی مدد سے تہرے قتل میں ملزم ظہیر کو منچن آباد کے علاقے میں دریائے ستلج کے اندر سے گرفتار کرلیاگیا ہے۔

اس وقوعہ کی پہلی وجہ یہ سامنے آئی کہ بیوی گھر یلو رنجش پر میکے آکر بیٹھ گئی تھی جس پر شوہر ظہیر بلوچ نے منانے کی بہت کوشش کی مگر وہ نہ مانی جھگڑا بڑھا تو سسراور سالے نے بہن کا ساتھ دیا جس کاملزم کو رنج تھا ،شوہر پستول لیکر سسرال گیا اور گھر میں گھس کر اندھا دھند فائرنگ کردی جس کے نتیجے میں تینوں موقع پر جاں بحق ہو گئے ۔مگر اب بتایا جا رہا ہے ملزم نے یہ فعل جائیداد کے تنازعے پر کیا تھا ۔ تاہم پولیس اس سلسلے میں مزید تحقیقات جاری رکھے ہوئے ہے۔

یاد رہے ملزم واردات کے بعد روپوش ہو گیا تھا اور اس نے اپنا حلیہ بھی خاصا تبدیل کر لیا تھا ۔ملزم کی مختصر دورانیہ میں گرفتاری پر ڈی پی او طارق ولائت نے خوشی کا اظہار کرتے ہوئے پولیس افسران کیلئے تعریفی اسناد اور نقد انعامات کا وعدہ کیا ہے۔