دیپالپور میں ایک ہفتے سے جاری دیپالپور پریمیئرلیگ(DPL)میگا ایونٹ اختتام کی جانب رواں دواں ہے آج اس سلسلے میں دو سیمی فائنل مقابلے ہوئے پہلا میچ پرنس آف دیپالپور اور طاہریونائٹڈ کے درمیان ہوا جس میں پرنس آف دیپالپور فاتح ٹھہری.پرنس آف دیپالپور نے پہلے بیٹنگ کرتے ہوئے ارسلان جمشید بٹ کی آٹھ چھکوں سے مزین ففٹی کی مدد سے 88 رنز بنائےاس کےجواب میں طاہر یونائٹڈ کی ٹیم 72 رنز پر پہنچ پائی طاہریونائٹڈ میں اسامہ علی نے چھ چھکے لگائے مگر اپنی ٹیم کو کامیابی نہ دلا سکے.
دوسرے میچ میں عمر بھیا کی خوبصورت بیٹنگ کی مدد سے 92 رنز بنائے جواب میں دیپالپور قلندر کا آغاز تیمورمرزا کے چھکے کیساتھ ہوا مگر اس کے بعد رنز کی رفتار سست پڑگئی مگر یہ دن ایگلز کا نہیں تھا کیوں کہ ایگلز نے تیمور مرزا جیسے بلے باز کا کیچ ڈراپ کرکے میچ خود ہی قلندرز کی جھولی میں ڈال دیا.کیوں کہ اس کے بعد دیپالپور قلندرز نے مڑ کے نہیں دیکھا اور زوہیب بٹ اور تیمورمرزا کی تباہ کن بیٹنگ کی مدد سے دیپالپور ایگلز کا 93رنز کا ہدف باآسانی حاصل کرلیا.زوہیب بٹ نے کرنل زاہد جیسے باؤلر کو ایک ہی اوور میں 36 رنز مار دئیے جبکہ تیمورمرزا نے آٹھ چھکے لگاکر اپنی کلاس دکھائی .دونوں ٹیموں دیپالپور قلندرز اور پرنس آف دیپالپورکے مابین فائنل بائیس اپریل کو منی سٹیڈیم دیپالپور میں کھیلا جائے گا.
891
